Monday, June 14, 2010

શબ્દથી દૂર વાચા ફળી હોય છે


શબ્દથી દૂર વાચા ફળી હોય છે

માંહ્ય સુરતા જ સામી મળી હોય છે.



કોડિયામા બળે છે તિમિર ઘી બની

જ્યોત આઠે પ્રહર પ્રજ્વળી હોય છે.



કાળ ભંડાર ખાલી કરી નીકળ્યા

ક્ષણ મહારત્નથી ઝળહળી હોય છે.



‘દૂર’ને શોધીએ, ‘પાસ’ આવી મળે

એમ શ્રદ્ધા જ કોને ફળી હોય છે.



‘જાણ’નો આ મલક આપણો સાંપડે

સરહદો આપણી આંગળી હોય છે.



- ડૉ. હર્ષદેવ માધવ(Dr. Harshdev Madhav – Shabd shodhi ae paas aave malae. Ghazals in Gujarati. Literature and art site)

No comments :

Post a Comment